«Google»: беларускі рэстаранны бізнес, кінатэатры і ГЦ страцілі каля 30 % кліентаў

«Google» абнавіў дадзеныя ў «Community Mobility Reports», якія абагульняюць інфармацыю пра перамяшчэнні ў прасторы карыстальнікаў прадуктаў IT-гіганта.

Са справаздачы «Community Mobility Reports» вынікае, што праз эпідэмію COVID-19 беларусы сталі радзей наведваць рэстараны, кавярні, кінатэатры і гандлёвыя цэнтры (- 31 %). На 7 % скарацілася наведванне рынкаў, але вырасла колькасць паходаў у паркі (+ 5 %).

Грамадскі транспарт страціў 27 % пасажыраў, якія карыстаюцца прадуктамі «Google». Акрамя таго, на працу перасталі ездзіць 22 % беларусаў, якія з’яўляюцца кліентамі карпарацыі.

Паводле геалакацыйных звестак мабільных карыстальнікаў «Яндекс», па стане на 30 сакавіка беларусы не надта перажывалі праз эпідэмію і часцей бывалі на вуліцы ды перамяшчаліся ў прасторы.

«Яндекс» раіць беларусам не выходзіць на вуліцу. А ім па барабану

Паводле Мінздароўя Беларусі, па стане на раніцу 16 красавіка ў краіне зарэгістравалі 4 204 выпадкі інфікавання каронавірусам.

ЮВ belsat.eu

Падпісвайся на telegram Белсату

Hавiны