Кітайская рэспубліка можа стаць першай азіяцкай краінай, дзе з’явіцца такая забарона.
На мінулым тыдні Тайвань унёс папраўкі ў закон пра жорсткае абыходжанне з жывёламі, каб зрабіць спажыванне сабачага і кацінага мяса нелегальнай практыкай. Калі папраўкі ўхваліць прэзідэнт, Кітайская рэспубліка стане першай азіяцкай краінай, дзе з’явіцца такая забарона.
Закон аб абароне жывёлінаў пакуль забараняе толькі забіваць і прадаваць сабакаў ды катоў, пасля паправак штрафам (у памеры да $ 8 тыс.) будзе спажыванне і захоўванне мяса. Фотаздымак і звесткі сабакажэра будуць апублікаваны ў тайваньскіх медыях, паведамляе «The Spokesman-Review».
Згодна з новым законам, кожнаму, хто наўмысна наносіць шкоду жывёле, будзе пагражаць два гады турмы і штраф у памеры $ 65 тыс. Прывязванне ката ці сабакі да скутэру або матацыклу падчас язды будзе карацца штрафам у памеры да $ 500.
Закон вышле сігнал у Кітай, В’етнам ды Інданезію.
The Humane Society International назвала новы закон «манументальным крокам у справе спынення гандлю сабачага мяса»: «Закон вышле сігнал у Кітай, індыйскі штат Нагаленд, В’етнам, Інданезію і іншыя азіяцкія краіны, дзе спажыванне сабачага мяса ўсцяж легальнае, што сканчэнне жорсткай практыкі гандлю мясам – пазітыўны рух ды крок у абарону доўгатэрміновых інтарэсаў грамадстваў».
На абвінавачанні еўрапейцаў пра жорсткае абыходжанне з жывёлінамі кітайцы і карэйцы ўказваюць тым на спажыванне свініны, і падкрэсліваюць, што ў іхных краінах існуе выразны падзел на сабакаў, прызначаных на ежу, і тых, каго трымаюць як гадаванцаў.
Статыстыкі пацвярджаюць, што колькасць аматараў мяса катоў ці сабакаў у Азіі стала змяншаецца, а колькасць тых, хто хоча трымаць іх удома як сяброў, – расце.
ДД
