Трое галоўных, паводле сацыялагічных апытанняў, кандыдатаў аддалі свае галасы на выбарах прэзідэнта Украіны. «Белсат» падрыхтаваў фотасправаздачу, як галасавалі Пётр Парашэнка, Юлія Цімашэнка і Уладзімір Зяленскі.
Пётр Парашэнка прагаласаваў на прэзідэнцкіх выбарах ва Украіне. Цяперашні прэзідэнт прыехаў у Дом Афіцэраў у Кіеве разам з сям’ёй.
Гэта надзвычай важны дзень у гісторыі Украіны, заявіў ён, апусціўшы ў скрыню бюлетэнь.
Кіраўніца партыі «Батькивщина» і кандыдат Юлія Цімашэнка прагаласавала на выбарах прэзідэнта. Яна аддала свой голас на выбарчым участку ў Кіеве, у ліцэі «Падол» №100.
Цімашэнка прыйшла на ўчастак са сваім мужам Аляксандрам.
Камедыйны акцёр і кандыдат у прэзідэнты Уладзімір Зяленскі таксама прагаласаваў на выбарах прэзідэнта.
У размове з журналістамі ён сказаў, што прагаласаваў за «вельмі годнага, годнага чалавека».
ЛБ, belsat.eu