Два класных рэцэпты з бульбы на восень ад вядоўцаў «Белсату»


Верасень – час запасацца бульбай. Вось вам два выдатных рэцэпты на восеньскія халады з нашага тэрапеўтычнага кулінарнага тэлешоў «Я не буду гэтага есці!».

Гасцямі аднаго з выданняў былі зоркі «Еўрабачання» Арцём і Ксенія з «Naviband». Задачай нашых шэф-кухараў Вольгі Прыгаравай і Аляксандра Чыкілеўскага было прыгатаваць з дзяцінства нелюбімую Арцёмам бульбяную бабку так, каб яна яму спадабалася.

Бульбяная бабка для зорак «Еўрабачання» ад Аляксандра Чыкілеўскага

  • Бульба свежая – 1 кг
  • Выразка свіная – 400 г
  • Карэйка варана-вэнджаная – 400 г
  • Цыбуля – 400 г
  • 
Сухія грыбы– 50 г
  • Алей – 150 г
  • 
Вяршкі 20% – 200 г
  • Масла сметанковае – 100 г
  • 
Кроп сушаны – 20 г
  • 
Часнык сушаны – 10 г
  • 
Смятана – 400 г
  • 
Сухары паніровачныя – 100 г

Бульбу разам з цыбуляй надзярэм на дробнай тарцы і злёгку адціснем. Сухія грыбы перамелем на парашок, і дадамо да натаркаванай бульбы з цыбуляй. Выразку і карэйку рэжам сярэдняй велічыні кубікам і абсмажваем да гатоўнасці. Змешваем натаркаваную бульбу з цыбуляй, гатовым мясам ды пернасцямі. Дадаем вяршкі. Змешваем. Форму змазваем маслам, пасыпаем сухарамі і запякаем да гатоўнасці.

Працэс прыгатаваня глядзіце у тэлешоу «Я не буду гэтага есці!»

Гратэн з бульбы з беконам і бруснічным соусам. Фота belsat.eu

Гратэн для зорак «Еўрабачання» ад Вольгі Прыгаравай

Замест традыцыйнага рэцэпту Вольга прапанавала сваю варыяцыю на бульбяна-мясную тэму: гратэн.

  • Масла сметанковае – 100 г
  • Цукар – 100 г
  • Бульба – 2 кг
  • Пармезан – 150 г
  • Чабор – 5 г
  • Бекон – 150 г
  • Мускатны арэх – 10 г
  • Брусніцы – 200 г
  • Яйка – 3 шт.
  • Цынамон (карыца) – 5 г
  • Вяршкі – 500 г

Бульбу памыць, ачысціць ад лупіны і тонка нарэзаць лустачкамі. У сатэйніку змяшаць вяршкі з чаборам і соллю, падагрэць, але не кіпяціць. Уліць яйкі, увесь час змешваючы венчыкам. Важна! Вяршкі павінны быць цёплымі, а не гарачымі, інакш яйкі ссядуцца.

Формы для запякання добра змазваем сметанковым маслам і выкладваем пластамі: бульбяны – сметанкова-яечная сумесь, чаргуем амаль да верху і ў перадапошні пласт кладзем сюрпрыз: парэзаны саломкай бекон. Зверху ўсё пасыпаем цёртым пармезанам, накрываем фольгаю і ставім запякаць пры 180 градусах прыкладна на 20 хвілін. Затым здымаем фольгу пратыкаем гратэн драўлянай шпажкаю. Калі шпажка ўвойдзе лёгка – значыць ён прапёкся, здымаем фольгу і падрумяньваем.

Паралельна, пакуль рыхтуецца гратэн, робім бруснічны соус: брусніцы, цукар і молатую карыцу падаграваем у сатэйніку і ўварваем да густога джэму. Пакуль гратэн пакрываецца румянай скарыначкай, смажым скрылікі тонка нарэзанага бекону для ўпрыгожвання. Пры падачы зверху кладзем галінку чабору і хрумсткі бекон.

Глядзіце, як Аляксандр Чыкілеўскі і Вольга Прыгарова гатуюць бабку і гратэн:

Глядзі таксама
Каментары