Больш за 1 мільён страйкоўцаў: Францыя паўстала супраць пенсійнай рэформы


Пратэсты ў Францыі 5 снежня. Фота: Julien Mattia / Zuma Press / Forum

5 снежня нацыянальная забастоўка набыла ў Францыі нябачаны за доўгія гады маштаб. Пра гэта паведамляе RFI.

Паводле папярэдніх звестак, у «чорны чацвер» страйкаваў кожны пяты з 5,5 млн французскіх дзяржслужачых. Таксама раніцай у 30 гарадах краіны больш 180 000 чалавек выйшлі на пратэставыя акцыі перад галоўнай маніфестацыяй у Парыжы, дзе зачыніліся асноўныя музеі і Эйфэлева вежа. Стачка, якая практычна паралізавала жалезныя дарогі і грамадскі транспарт Парыжа, падоўжана.

На пратэстах супраць пенсійнай рэформы ў Расеі паліцыя затрымала больш за 150 чалавек

У выніку страйку цалкам або часткова закрыліся асноўныя парыжскія музеі і помнікі, у тым ліку Эйфэлева вежа, Вэрсальскі палац ды Луўр. Не працавалі больш за палова чыгуначнікаў. У Парыжы да 9 снежня працуе толькі траціна аўтобусаў і станцыяў метро. Прафсаюзы заяўляюць, што страйкуюць каля 60-70 % школьных выкладчыкаў.

Праз страйкі забастоўкі спыненая праца сямі з васьмі французскіх нафтаперапрацоўчых заводах. На атамных і цеплавых электрастанцыях страйкуе больш за 85 % персаналу.

Месцамі адбыліся сутыкненні пратэстоўцаў з паліцыяй.

Прычынай пратэсту стала радыкальная рэформа пенсійнай сістэмы прэзідэнтам Эманюэлем Макронам. Напачатку 2020 года ён плануе правесці яе праз парламент.

Па ўсёй Расеі прайшлі пратэсты супраць пенсійнай рэформы

Рэформа прадугледжвае пераход з 2025 года ад складанай сістэмы з 42 розных рэжымаў да ўніверсальнай. Яна змяняе прынцып налічэння пенсіяў і ўводзіць сістэму пенсійных балаў. Пры захаванні пенсійнага веку ў 62 гады для атрымання поўнай пенсіі без вылікаў французам давядзецца працаваць да 64-х.

Свае прычыны да пратэстаў ёсць у розных катэгорый працаўнікоў. Гэтак, настаўнікі асцерагаюцца зніжэння памеру сваіх пенсіяў, а транспартнікі абараняюць свой права выходзіць на пенсію датэрмінова.

МГ belsat.eu

Глядзі таксама
Каментары