Украінскі ўрад спрасціў працэдуру атрымання грамадзянства для добраахвотнікаў-замежнікаў. Пра гэта 27 снежня ў Twitter паведаміў прэм’ер-міністр Украіны Аляксей Ганчарук.
«Урад Украіны спрасціў працэдуру набыцця грамадзянства для добраахвотнікаў, якія абаранялі Украіну на Усходзе, аднак маюць замежнае грамадзянства», – адзначыў прэм’ер.
Паводле Аляксея Ганчарука, зацверджаны механізм атрымання дазволу на часовае пражыванне ва Украіне, што з’яўляецца першым крокам для атрымання грамадзянства.
Вярхоўная Рада Украіны 6 чэрвеня ў другім чытанні прыняла закон «Аб унясенні змяненняў у некаторыя законы Украіны адносна прававога статусу замежнікаў і асоб без грамадзянства, якія прымалі ўдзел у абароне тэрытарыяльнай цэласнасці і недатыкальнасці Украіны» (№3433).
Новы закон дае права замежнікам, якія ваявалі за незалежнасць Украіны, атрымаць грамадзянства Украіны і перадухіліць іх выдачу «несяброўскім краінам».
МГ belsat.eu