[vc_row][vc_column][vc_video link=”https://youtu.be/tebU35nTT7E”][vc_column_text]«Нас тут шмат», – беларус, які ваюе на баку сепаратыстаў, перадае прывітанне Лукашэнку.
Публікуем гэты зварот без каментару.
«Мы цяпер знаходзімся на пазіцыі, назіраем з боку Краснагораўкі, як два чалавека капаюць бліндаж у «зялёнцы» (у лесе. – «Белсат»). Назіраем за імі хвілінаў 15 – яны нават не спрабуюць хавацца. Агонь не адкрываем – нельга: пільнуем Менскіх дамоваў», – распавядае баевік з нашыўкай Данецкай народнай рэспублікі аператарцы Кацярыне Кацінай.
Мой пазыўны – «Беларус», я з Менску, Лукашэнку – прывітанне, дай бог здароўя Колю, няхай расце здаровым.
Фашысты напалі на нашую краіну, як у 41-м годзе, 22 чэрвеня. Таксама і тут – вядзем барацьбу з фашыстамі, абараняем сваю зямлю, славянскі народ.
Шкада, Аляксандр Рыгоравіч, што мы ў роднай Беларусі сталі злачынцамі – нас тут, беларусаў, вельмі шмат. Ваюем практычна з самага пачатку і ганарымся гэтым.
Шкада, што наш беларускі народ мае няправільную інфармацыю пра тое, што тут адбываецца і намі не ганарыцца. Тым не менш, мы будзем стаяць тут да канца – біць фашыстаў.
Тут насупраць вісіць сцяг «Правага сектару», і не адзін. А ўся сусветная супольнасць і краіны Еўразвязу закрываюць на гэта вочы. Тут дацкі, канадскі, польскі сцягі, сцягі «Правага сектару».
Слава Наваросіі!»