Міністр па надзвычайных сітуацыях Беларусі Уладзімір Вашчанка заявіў, што Беларусь і Украіна дамовіліся аб перадачы гуманітарнай дапамогі без пасярэднікаў.
Як піша БелТА, міністр распавёў, што прэзідэнты Беларусі і Украіны на перамовах у Кіеве абмеркавалі пытанні гуманітарнай дапамогі.
«Дамовіліся перадаваць дапамогу без пасярэднікаў. Кіраўніцтвам Украіны будуць створаны ўсе ўмовы, каб мы бесперашкодна праходзілі мяжу. І будуць адкрыты ўсе калідоры для дастаўкі непасрэдна тым людзям, хто мае патрэбу ў гэтай дапамогі», – падкрэсліў Уладзімір Вашчанка.
Учора падчас візіту ў Кіеў Аляксандр Лукашэнка прапанаваў арганізаваць сумесную адпраўку гуманітарных канвояў на Данбас.
«Мы хацелі б працаваць там без пасярэднікаў па найкарацейшым шляху. І прасіў, што калі будзе цікавасць нейкая і ў нас супадуць гэтыя гуманітарныя канвоі, каб мы гэта рабілі разам», – заявіў беларускі прэзідэнт.
ІІ, belsat.eu