50-гадовы мужчына пазваніў у Баранавіцкі ГАУС і заявіў, што запаўняе кватэру газам і хутка будынак выбухне. Здарэнне адбылося 15 студзеня ў адным з дамоў на 1-м завулку Вадаправодным. На месца выехаў нарад міліцыі.
Мужчына адмовіўся адчыніць дзверы і паводзіў сябе неадэкватна, у тым пагражаў скончыць жыццё самагубствам.
Ён заявіў, што невядомыя патрабуюць перадаць ім 150 беларускіх рублёў. З ягонага тэлефону ў экстранныя службы гораду паступіла 25 званкоў з рознымі пагрозамі.
Міліцыя эвакуявала жыхароў дому, усяго 11 асобаў. У будынку адключылі газ і электрычнасць.
Перамовы плёну не прынеслі, АМАП узяў штурмам кватэру правапарушальніка. Яго перадалі медыкам хуткай дапамогі.
Праводзіцца праверка, высвятляюцца матывы і прычыны здарэння. Вядома, што мужчына жыў адзін і злоўжываў алкаголем.
ДР belsat.eu
