Амаль сто кавярняў і рэстарацыяў Менску возьмуць удзел у Тыдні беларускай кухні
07.03.201613:48
У сталіцы распачынаецца Тыдзень беларускай кухні, ён будзе праходзіць з 7 па 13 сакавіка.
Акцыя праводзіцца ўжо ў дзявяты раз, папярэдні Тыдзень беларускай кухні адбываўся ў снежні.
Бараніна фламбэ, памеранцаўка і агурочнае печыва – далікатэсы беларускай шляхты
Гэтым разам беларускія прысмакі запрапануюць 95 кавярняў і рэстарацыяў Менску. Яны запрапануюць гасцям пяць страваў:
– халадзец з хрэнам за Br 45 тыс.
– салянка шляхецкая за Br 35 тыс.
– кручонікі з свініны з грачанай кашай і грыбамі за Br 90 тыс.
– бліны з вясковай падскваркай за Br 80 тыс.
– густы журавіны кісель з узбітымі вяршкамі за Br 25 тыс.
Меню распрацаванае з дапамогай шэф-кухараў менскіх кавярняў і рэстарацыяў беларускай нацыянальнай кухні. Ва ўсіх установах стравы будуць гатавацца па адных і тых жа рэцэптах.
НМ, belsat.eu, паводле «Менск-навіны»
