У Шры-Ланцы ў каталіцкі Вялікдзянь былі амаль адначасова падарваныя тры царквы і тры гатэля. Тэракты адбыліся ў сталіцы краіны Колёмба, а таксама гарадах Негомба і Батыкалёа.
Reuters паведамляе, што ў Колёмба выбухі, у прыватнасці, адбыліся ў каталіцкай царкве Святога Антонія, а ў Негомба – у касцёле Святога Севасцьяна. Таксама тэрарысты падарвалі царкву ў горадзе Батыкалёа. Выбухі адбыліся ў сталічных гатэлях Shangri-La, Kingsbury і Cinnamon Grand.
Паводле апошніх звестак, загінулі не менш за 138 чалавек. Каля 400 атрымалі раненні. Сярод пацярпелых ёсць замежнікі.
Адказнасць за тэракты пакуль ніхто на сябе не ўзяў.
Урад Шры-Ланкі сабраўся на экстранае паседжанне.
На старонцы касцёла Святога Севасцьяна ў сацыяльных сетках з’явіліся фота наступстваў выбуху.
Таксама на канале ITN News з’явілася відэа з гэтай царквы.
ІІ belsat.eu