Ален Рабэр, вядомы таксама пад мянушкаю «чалавек-павук», скарыў самы высокі хмарачос у Францыі. Гэтым разам – з дазволу ўладальнікаў будынку, а таму ўпершыню на даху яго чакалі не паліцыянты, а ягоныя прыхільнікі з кветкамі.
Ален Рабэр без страхоўкі ўзабраўся на 231-метровы будынак прыкладна за паўтары гадзіны. Унізе, прытаіўшы дыханне, за ім назіралі дзясяткі чалавек.
«Чалавек-павук» за сваю «кар’еру» ўзабраўся больш як на 100 будынкаў, у тым ліку будынак «Нью-Ёрк Таймз» у Нью-Ёрку ды «Бурдж аль-Халіфа» ў Дубаі. Ален Рабэр называе сваё хобі «найлепшаю працаю ў свеце» і пры гэтым запэўнівае, што насамрэч баіцца вышыні.
belsat.eu