За абразу Ярмошынай асудзілі сябра яе сына, з якім яны разам працавалі ў пракуратуры
На гэтым тыдні судзілі былога работніка Генпракуратуры Аляксандра Мікалаева: яго аправілі на 2 гады ў калонію, паведамляе «Наша Ніва».
Мікалаева судзілі па некалькі артыкулах Крымінальнага Кодэкса: абраза прадстаўніка ўлады (арт. 369), абраза прэзідэнта (арт. 368), абраза суддзі (арт. 391).
Яго судзілі ў тым ліку за абразы Ярмошынай, пасты з якімі ён публікаваў на сваёй старонкі ў Фэйсбуку. Сярод іншага ён пісаў, што экс-кіраўніца ЦВК забараняла сыну «жыць мужчынам» і прыводзіць у дом дзяўчат.
Паведамляецца, што раней Мікалаеў блізка сябраваў з сынам Ярмошынай – адвакатам Аляксеем Ярмошыным, які памёр пры невядомых абставінах у 2017-м ва ўзросце 40 год. Падчас працы ў пракуратуры Цэнтральнага раёну яны нават сядзелі ў адным кабінеце.
АД, belsat.eu
