Група беларускіх хакераў узламала старонку Менаблвыканкаму і апублікавала ліст да дня нараджэння Аляксандра Лукашэнкі з пажаданнем «дажыць да прысуду».
У лісце хакеры называюць 30 жніўня «Днём смутку беларускага народу» і зазначаюць, што за час кіравання Лукашэнкі насельніцтва Беларусі значна зменшылася.
«Сваімі справамі Лукашэнка даказаў, што ён – страшны вораг нашага народу. Дзеля сваёй улады і грошай ён дамагаецца поўнага знішчэння беларускай нацыі. І гэта ў яго атрымліваецца. Мы абавязаны спыніць гэта», – сказана ў лісце.
Таксама хакеры інфагрупы Аб’яднанага Штабу Супраціву (АШС) атакавалі інфраструктуру Менаблвыканкаму і атрымалі кантроль над дадзенымі Менскай абласной адміністрацыі і сайтам менскіх чыноўнікаў у зоне gov.by.
Гэта новая група хакераў, якія не адносяцца да Кіберпартызанаў. Раней яны ўжо атакоўвалі сайт «Беларуськалію».
Алена Рувіна belsat.eu
