Святлана Ціханоўская прызначыла Крысціну Рыхтэр дарадцай у прававых пытаннях. Прадстаўніца Офісу будзе займацца юрыдычнымі аспектамі.
Абраная прэзідэнтка Беларусі Святлана Ціханоўская прызначыла дарадцай у прававых пытаннях Крысціну Рыхтэр.
Прадстаўніца Офісу 10 гадоў практыкуе права, і мае досвед працы не толькі з нацыянальнымі, але і з міжнароднымі механізмамі абароны правоў чалавека.
Дарадца Святланы Ціханоўскай будзе займацца фармаваннем стратэгіі працы ў прававых пытаннях Офісу. У абавязкі Крысціны Рыхтэр увойдзе рыхтаванне нарматыўна-прававых дакументаў для рэабілітацыі асобаў, якія зазналі пераслед з палітычных матываў. Юрыстка будзе браць удзел у рыхтаванні спецыяльнага дакладу аб праблемах беларусаў у эміграцыі ў Парламенцкую асамблею Рады Еўропы. Таксама яна будзе працаваць з беларускай праваабарончай супольнасцю дзеля абароны правоў чалавека.
Алена Аляксандрава belsat.eu
