Паводле прагнозу Белгідрамету, на працягу бліжэйшых трох дзён будзе захоўвацца гарачае надвор’е і працягнуць ліць дажджы. Месцамі чакаюцца моцныя навальніцы.
У сераду 30 чэрвеня чакаецца пераменная воблачнасць. Уначы месцамі па паўночным усходзе, днём у асобных раёнах чакаюцца кароткачасовыя дажджы, навальніцы. Тэмпература паветра ўначы ад 12 да 17 градусаў цяпла, днём ад 25 да 31 са знакам плюс.
1 ліпеня ноччу пераважна па паўднёва-заходняй частцы краіны, днём на большай частцы Беларусі пройдуць кароткачасовыя дажджы, а месцамі магчымыя моцны дождж і навальніцы. Ноччу будзе ад 12 да 19 цяпла, а днём ад 23 да 29, па паўднёвым усходзе месцамі да 31 градуса цяпла.
У пятніцу 2 ліпеня на большай частцы краіны пройдуць кароткачасовыя дажджы. Месцамі моцныя дажджы, навальніцы. Ноччу прагназуецца ад 14 да 20 вышэй за нуль, днём ад 22 да 29 са знакам плюс.
СК belsat.eu