Belsat.eu падводзіць вынікі 29 траўня – 294-га дня паслявыбарчага пратэсту ў Беларусі.
Сённяшні дзень Святлана Ціханоўская абвесціла днём Глабальнага пікету салідарнасці. На акцыі падтрымкі выйшлі сотні людзей па ўсяму свету.
Палітычная лідарка звярнулася праз свой тэлеграм-канал да беларусаў усяго свету і нашай краіны:
«Увесь свет падтрымлівае беларусаў у нашай барацьбе за свае правы і свабоду ўжо цэлы год. Сёння, 29 траўня, у дзень затрымання Сяргея Ціханоўскага, у дзясятках краін і сотнях гарадоў людзі выйдуць на Глабальны пікет салідарнасці з Беларуссю. У Вільні а 18:00 таксама пройдзе вялікая акцыя. Я абавязкова туды прыйду – прыходзьце і вы!
Але важней за ўсё, каб беларусы падтрымалі адзін аднаго ў Беларусі. Вы можаце выйсці з плакатам або проста надзець белае перад выхадам на вуліцу як частка акцыі #ЦветПротивТьмы, адправіць ліст палітвязням або падтрымаць іх сем’і праз фонды салідарнасці. Вы можаце падтрымаць самага Ціханоўскага, проста пакінуўшы на бачным месцы свае тапкі ў гонар акцыі «Дзе вашы тапкі, беларусы?».
З моманту затрымання Сяргея Ціханоўскага прызналі ў Беларусі палітычным вязнем, а міжнародная праваабарончая арганізацыя «Amnesty International»прызнала яго вязнем сумлення. У СІЗА ён неаднаразовы быў у карцары, ягоныя размовы з адвакатам праслухоўваліся і запісваліся.
5 траўня Генеральная пракуратура паведаміла пра перадачу яго крымінальнай справы ў суд. 12 траўня стала вядома, што крымінальную справу Сяргея Ціханоўскага разгледзіць Гомельскі абласны суд.
Паводле заявы Белага дому, санкцыі закрануць дзевяць беларускіх прадпрыемстваў.
«3 чэрвеня 2021 г. Злучаныя Штаты зноў увядуць блакавальныя санкцыі ў дачыненні да дзевяці беларускіх дзяржаўных прадпрыемстваў, якія раней атрымлівалі палёгку ў рамках серыі агульных ліцэнзій Міністэрства фінансаў. У выніку гэтай меры амерыканскім асобам будзе забаронена ўдзельнічаць у здзелках з гэтымі суб’ектамі, іх маёмасцю або іх інтарэсамі ва ўласнасці», – гаворыцца ў заяве.
Аднак абмежаванні закрануць не толькі прадпрыемствы. У заяве ідзе гаворка пра працу над асабістымі санкцыі супраць ключавых членаў рэжыму Лукашэнкі.
Жанчыну асудзілі на 8 месяцаў калоніі за тое, што 29 жніўня, пасля Жаночага маршу салідарнасці, яна ўкусіла супрацоўніка АМАПа Андрэя Хоміча за сцягно падчас затрымання ў тралейбусе, дзе яна ехала з братам Аляксандрам.
Пацярпелы супрацоўнік АМАПу запытаў маральную кампенсацыю ў памеры двух тысяч рублёў, бо, па яго словах, гэта відэа з момантам затрымання трапіла ў сацсеткі «Карнікаў» і ад гэтага пацярпелі яго блізкія.
Нагодай на ўзбуджэнне справы стаў прынт на майцы. Паводле следства, прынт абражае прэзідэнта.
Канстанціна Сямёнава затрымалі 16 траўня на Цнянскім вадасховішчы ў Менску. Тады яго арыштавалі на 15 сутак за надпіс «Дыктатару месца ў пекле» і партрэт чалавека, падобным на Лукашэнку. Цяпер яму пагражае пазбаўленне волі да двух гадоў.
Ягора Дуднікава затрымалі 5 траўня ў Менску, пасля ператрусу змясцілі ў СІЗА КДБ.
Яму пагражае да трох гадоў пазбаўлення волі па абвінавачванню ў арганізацыі дзеянняў, якія груба парушаюць грамадскі парадак (ч. 1 арт. 342 КК). Да Ягора не пускаюць адваката.
Яго маці Юлія перакананая, што спадар пераехаў у Менск праз тое, што закахаўся некалькі гадоў таму ў дзяўчыну. Тут жа ён агучваў мультфільмы, анімэ, гульні, рэкламныя ролікі, таксама апрацоўваў тэксты, падпрацоўваў рэдактарам, а часам і грузчыкам.
«Асноўнай мэтай гэтага было знаходжанне ў Менску, бо ён сустракаўся з дзяўчынай, яны будавалі планы», – распавядае Юлія.
5 траўня Ягор Дуднікаў правёў дзяўчыну да дому, паабяцаў маці, што ператэлефануе, ёй і знік. Спадарыня набірала сына ўсю ноч, але той быў недасяжны. На наступны дзень яна даведалася, што Ягора затрымалі, у ягонай кватэры пры ператрусе знайшлі і канфіскавалі толькі мікрафон.
АД, belsat.eu