У інтэрнэце з’явіўся аўтарскі сайт палітвязня, пісьменніка і палітыка Паўла Севярынца. На рэсурсе размешчаныя рэцэнзіі знаных людзей і звычайных чытачоў на кнігі Севярынца, якія можна набыць на сайце.
Павел Севярынец – аўтар 14 кніг, сярод якіх: «Люблю Беларусь», «Беларусалім», зборнікі публіцыстыкі «Лісты з лесу», «Каменнае сэрца» і «Беларуская глыбіня». Севярынец – лаўрэат літаратурнай прэміі Беларускага ПЭН-цэнтру імя Алеся Адамовіча, Прэміі імя Францішка Аляхновіча, Прэміі за свабоду думкі імя Васіля Быкава, украінска-беларускай літаратурнай прэміі «Воін святла». Неаднаразова прызнаваўся вязнем сумлення.
На сайце таксама падаюцца цытаты з выказванняў і кніг палітвязня.
«Беларусі патрэбная маральная рэвалюцыя», – пісаў ён.
25 траўня 2021 года Магілёўскі абласны суд пакараў палітвязня сямю гадамі пазбаўлення волі. Севярынец адбывае тэрмін у папраўчай калоніі № 17 у Шклове і працуе над трыма новымі кнігамі.
ЗК belsat.eu
