У Гомельскім абласным судзе агучылі прысуд па крымінальнай справе супраць палітзняволеных светлагорскіх «партызанаў». Ім прысудзілі ад 21 да 23 гадоў калоніі ва ўмовах узмоцненага рэжыму, паведамляюць праваабаронцы.
34-гадовага Дзмітрыя Равіча асудзілі да 22 гадоў калоніі ва ўмовах узмоцненага рэжыму, 30-гадовага Дзяніса Дзікуна – да 23 гадоў, 52-гадовага Алега Малчанава – да 21 года. Таксама іх аштрафавалі на 150 базавых велічыняў кожнага (4800 рублёў), а ўсе каштоўныя рэчы, вынятыя падчас ператрусаў у іх дома, канфіскавалі. Іх затрымалі 4 сакавіка, а пачалі судзіць 27 верасня 2022 года.
Светлагорскіх «партызанаў» абвінавацілі ў падпале рэлейнай шафы сігналізацыі, цэнтралізацыі і блакавання (СЦБ) на чыгуначнай станцыі «Жэрдзь-Астанкавічы» 28 лютага – на чацвёрты дзень поўнамаштабнай вайны ва Украіне. Іх асудзілі па наступных артыкулах:
Працэс ішоў тры месяцы і праходзіў у закрытым рэжыме, таму падрабязнасці справы невядомы. Прысуд вынес суддзя Анатоль Сотнікаў.
КДБ уключыла іх у спіс «асобаў, датычных да тэрарыстычнай дзейнасці».
Алена Рувіна belsat.eu