Ва Украіне затрымалі мужчыну, які перадаваў інфармацыю пра ЗСУ беларускім вайскоўцам
Служба бяспекі Украіны затрымала мужчыну ў Роўненскай вобласці. Ён перадаваў у Беларусь інфармацыю пра блокпасты, дыслакацыю і перамяшчэння жывой сілы ды тэхнікі ЗСУ, а таксама іншыя вайсковыя фармаванні на тэрыторыі Заходняй Украіны.
«Суседзяў асабліва цікавілі ўмацаванні на прымежных тэрыторыях. Як устанавіла і дакументальна засведчыла следства, інфарматар перадаў звесткі беларускім праваахоўнікам падчас незаконнага мінання дзяржаўнай мяжы з Беларуссю. Правяраецца інфармацыя пра іншыя «візіты» мужчыны да варожых праваахоўнікаў і спецслужбаў», – паведамляе СБУ.
Мужчыну выставілі абвінавачанне паводле ч. 2 арт. 114-2 КК Украіны («Распаўсюд інфармацыі пра перамяшчэнне, рух або размяшчэнне ЗСУ або іншых вайсковых фармаванняў»). Санкцыя артыкулу прадугледжвае пакаранне ў выглядзе пазбаўлення волі тэрмінам ад пяці да васьмі гадоў.
Дасудовае расследаванне трывае, каб высветліць «усе дэталі падрыўной працы фігуранта супраць нацыянальнай бяспекі Украіны».
Алена Рувіна belsat.eu
