Галоўнага рэдактара, журналістку і фатографку «Нашай Нівы» затрымалі ў Менску

Днём 27 сакавіка сілавікі затрымліваюць журналістаў. Стала вядома пра затрыманне траіх супрацоўнікаў «Нашай Нівы» у Менску.

Спачатку ў раёне плошчы Бангалор даішнікі спынілі машыну галоўнага рэдактара «Нашай Нівы» Ягора Марціновіча, у якой таксама была фатографка Надзея Бужан.

Ягора спачатку павялі на размову, а пасля амапавец суправадзіў яго ў аўтазак.

Апошняе, што напісала Надзея: «Прынялі».

Момант затрыманне журналісткі «Нашай Нівы» Кацярыны Карпіцкай. Фота: TUT.by

Пазней праваабарончы цэнтр «Вясна» паведаміў пра затрыманне карэспандэнткі «Нашай Нівы» Кацярыны Карпіцкай. На фота з моманту затрымання журналісткі бачна, што ў яе вісіць бэйдж «Прэса».

У Менску затрымалі дваіх рэдактараў парталу TUT.by

АД, belsat.eu

 

 

Hавiны