Дзясяткі тысяч чалавек па ўсёй краіне выйшлі на пратэст супраць вайны.
Нягледзячы на двайную акупацыю (унутраную рэжымам Лукашэнкі і знешнюю расейскімі войскамі), на жорсткія рэпрэсіі, якія не спыняюцца паўтары гады, і больш за 1000 палітвязняў за кратамі, сёння беларусы па ўсёй краіне выступілі супраць вайны ва Украіне і ўцягвання ў яе Беларусі. Акцыі пратэсту прайшлі ў 15 гарадах.
У Менску, паводле падлікаў motolko_help, на антываенныя пікеты і дэманстрацыі ў падтрымку Украіны выйшла каля 70 тыс. чалавек, каля 500-800 былі затрыманыя. Гэта найбуйнейшы пратэст з восені 2020 года. Для параўнання ўмоваў: гэта ўсё роўна, калі б на антываенны пратэст выйшлі людзі ў цэнтры Берліну ў 1944 годзе.
Затрыманні адбыліся не толькі ў Менску, але і ў Горадні, Віцебску, Магілёве, Гомлі, Баранавічах, Лідзе, Докшыцах, Полацку, Наваполацку, Жодзіна, Светлагорску, Заслаўі, Бабруйску.
Сёння ў Беларусі адбываўся псеўдарэферэндум. Беларусы пачалі збірацца каля выбарчых участкаў у школах і паліклініках каля 14:00 з патрабаваннем спыніць вайну.
На вуліцах было шмат сілавікоў і аўтазакаў.
На некаторых участках АМАП разганяў людзей, дзесьці адбыліся затрыманні. Напрыклад, каля менскай школы №125 сабралася каля 70 чалавек, усіх іх разагналі сілавікі.
Некаторыя беларусы на знак пратэсту спальвалі свае беларускія пашпарты.
Па Менску нават прайшла цэлая калона з украінскімі сцягамі. Яны пляскалі ў далоні і скандавалі «Не вайне!»
Беларусы прынеслі мноства кветак да Амбасады Украіны ў Менску. Увесь уваход – у жоўта-блакітных колерах.
А 17:00 каля 150-200 беларусаў сабраліся каля Генштабу Міністэрства Абароны. Акцыю разагнаў АМАП, адбыліся затрыманні.
Кіроўцы падтрымлівалі пратэстоўцаў сігналамі. Даўно Менск не гудзеў так моцна.
Супраць вайны пачалі выказвацца і былыя беларускія вайскоўцы. Напрыклад, былы камандзір берасцейскай 38-ай дэсантна-штурмавой брыгады падпалкоўнік Валерый Сахашчык звярнуўся да сваіх калегаў:
У Горадні сёння каля мінімум пяці выбарчых участкаў сабраліся людзі. Іх разганяў АМАП. Не абышлося без затрыманняў: агулам за сёння было затрымана каля 90 чалавек. На вуліцах было шмат сілавікоў.
Адна смелая гарадзенка выйшла сёння на адзіночны антываенны пікет на цэнтральную плошчу горада. Яе затрымалі праз некалькі хвілінаў.
А вось такая акцыя прайшла сёння ў Брылевічах:
Беларусы замежжа таксама выйшлі сёння на акцыі пратэсту супраць вайны ва Украіне. Паглядзіце, якія акцыі прайшлі сёння ў Варшаве і Празе.
А гэта акцыі пратэсту ў Рызе, Батумі і Тбілісі.
Але гэта яшчэ не ўсё. Фонл BYPOL паведаміў пра дыверсію на Беларускай чыгунцы, якая паралізавала падвоз расейскіх войскаў на адным з кірункаў. А кіберпартызаны вывелі са строю серверы БЧ: цяпер яна кіруецца ў ручным рэжыме, на найбуйнейшых транспартных вузлах – калапс.
ВК Belsat.eu
