26 жніўня ва ўкраінскім Бярдзянску, акупаваным расейскімі войскамі, падарвалі машыну намесніка начальніка ДАІ гораду Аляксандр Калеснікаў, якога прызначылі акупацыйныя ўлады.
Калеснікава даставілі ў гарадскую клінічную больніцу з асколачнымі раненні, паведамляе тэлеграм-канал «Бердянск. Официально».
Выратаваць паліцыянта не атрымалася.
Паводле афіцыйнай інфармацыі, выбуховае прыстасаванне было начынена паразлівымі элементамі і замацавана на вышыні больш як тры метры на дрэве.
Прадстаўнікі акупацыйнай адміністрацыі ва Украіне рэгулярна сустракаюцца з замахамі на сваё жыццё.
Напрыклад, 24 чэрвеня ў Херсоне пры выбуху аўтамабіля загінуў кіраўнік упраўлення «адміністрацыі» Херсонскай вобласці ў моладзевай палітыцы Дзмітрый Саўлучэнка.
4 жніўня стала вядома пра шпіталізацыю прызначанага Расеяй кіраўніка вобласці Уладзіміра Сальда. Са звестак медыяў, ён мог быць атручаны.
А 6 жніўня невядомыя расстралялі з пісталета Макарава намесніка кіраўніка «адміністрацыі» Новай Кахоўкі Віталя Гуру каля ягонага дому.
Якуб Хруст belsat.eu
