На мемарыяльны крыж у гонар беларускага гісторыка, палітыка і грамадскага дзеяча, усталяваны ў Курапатах, невядомыя нанеслі надпісы з абразлівымі словамі, вынікае з фотаздымкаў, размешчаных 24 ліпеня ў тэлеграм-канале «Historyja».
У Курапатах апаганены мемарыяльны крыж Вацлаву Ластоўскаму.
Фота: Historyja/Telegram
Гэта не першы выпадак такога абыходжання з гэтым і іншымі помнікамі і памятнымі знакамі ў Курапатах.
Мемарыяльны крыж Вацлаву Ластоўскаму быў усталяваны ў 2016 годзе. Ён выраблены з дубу, над ім працавалі мастак Алесь Цыркуноў і разьбяр Юрась Камандзірчык.
Марыя Міхалевіч belsat.eu
