Валанцёрка гомельскага аддзялення Праваабарончага цэнтру «Вясна» Таццяна Ласіца, якая знаходзілася ў зняволенні са студзеня 2021 году, была вызвалена з жаночай калоніі №4. Пра гэта паведамляе ПЦ «Вясна».
Абставіны вызвалення Таццяны Ласіцы невядомыя. Яе тэрмін яшчэ не завершыўся, таму, імаверна, яна была памілавана.
Таццяну Ласіцу затрымалі 21 студзеня 2021 году і выставілі абвінавачванне паводле арт. 342 Крымінальнага кодэкса («Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх»). Яе судзілі ў закрытым рэжыме разам з праваабаронцам «Вясны» Леанідам Судаленкам і валанцёркай Марыяй Тарасенка.
3 лістапада 2021 суддзя Сяргей Салоўскі асудзіў Таццяну Ласіцу да 2,5 гадоў пазбаўлення волі ў калоніі агульнага рэжыму.
Глеб Нержын belsat.eu
