Палата прадстаўнікоў увяла штрафы за адсутнасць у накладной кошту тавару, цана на які рэгулюецца дзяржавай. За гэта будуць спаганяць да 20 базавых велічыняў (максімум цяпер – 640 рублёў). Дэпутаты ўхвалілі гэты законапраект адразу ў двух чытаннях, паведамляецца ў Telegram-канале Палаты.
У Беларусі з’явіўся штраф за адсутнасць у накладной кошту тавару, цана на які рэгулюецца дзяржавай. Максімальна за гэта будуць спаганяць 20 базавых велічыняў (цяпер гэта 640 рублёў). А для юрыдычных асобаў і індывідуальных прадпрымальнікаў – да 10 % сумы, што пазначана ў таварнай накладной. Такое ж пакаранне будзе пагражаць, калі ў дакументах напішуць несапраўдны кошт.
Папраўкі ў Кодэкс аб адміністратыўных правапарушэннях Палата прадстаўнікоў ухваліла адразу ў двух чытаннях.
Дзяржава вырашыла рэгуляваць цэны, каб стрымаць іх рост. Эксперты прызнаюць, што гэтыя захады дапамогуць запаволіць інфляцыю, але прывядуць да дэфіцыту.
Сяргей Крот belsat.eu
