22 красавіка суд Чыгуначнага раёну Гомля прызнаў экстрэмісцкім тэлеграм-канал аб’яднання беларускіх апазіцыйных сілавікоў «ByPol».
Падставаю для такога рашэння сталіся матэрыялы правярання абласнога ўпраўлення ГУБАЗіК МУС. У прэс-службе МУС заяўляюць, што «ByPol» нібыта неаднаразова змяшчаў заклікі да масавых беспарадкаў, публікаваў «паклёпніцкія матэрыялы пра работнікаў МУС для распальвання сацыяльнай варожасці», распаўсюджваў экстрэмісцкія матэрыялы.
«Большая частка інфармацыі ў канале накіраваная на падрыў аўтарытэту дзейнай улады і яе прадстаўнікоў», – заяўляюць у МУС.
Цяпер за рэпост інфармацыі з тэлеграм-каналу «ByPol» прадугледжаная адміністратыўная адказнасць.
Нагадаем, што 22 красавіка ўсё той жа суд Чыгуначнага раёну Гомля таксама на падставе матэрыялаў ГУБАЗіК прызнаў экстрэмісцкім папулярны тэлеграм-канал «Беларусь головного мозга».
МГ belsat.eu