Расея высылае 5 польскіх дыпламатаў

Міністр замежных справаў Расеі Сяргей Лаўроў: mid.ru

З Масквы працягваюць высылаць замежных дыпламатаў. Гэтым разам чарга дайшла да Польшчы.

23 красавіка ў МЗС Расеі выклікалі амбасадара Польшчы ў Маскве Кшыштафа Краеўскага, якому выказалі пратэст з нагоды абвяшчэння трох працаўнікоў амбасады РФ у Варшаве персонамі нон грата.

У адказ Расея абвясціла персонамі нон грата пяцярых работнікаў польскай амбасады ў РФ. Ім належыць пакінуць расейскую тэрыторыю да канца дня 15 траўня, паведамілі ў МЗС РФ.

15 красавіка Польшча абвясціла персонамі нон грата трох расейскіх дыпламатаў на фоне новых амерыканскіх санкцыяў супраць Расеі ды абвастрэння сітуацыі на ўсходняй мяжы Украіны.

Расея высылае 20 чэшскіх дыпламатаў

18 красавіка ў Міністэрства замежных справаў Расеі быў выкліканы амбасадар Чэхіі ў РФ Віцеслаў Піванька. Дыпламату паведамілі, што 20 работнікаў амбасады Чэхіі ў Маскве абвяшчаюцца персонамі нон грата. Ім загадалі да канца дня 19 красавіка пакінуць тэрыторыю Расеі.

МГ belsat.eu

Падпісвайся на telegram Белсату

Hавiны