Інфармацыю аб тым, што поўнамаштабное ўварванне расейскіх войскаў распачнецца цягам 48 гадзінаў, ужо перададзеная прэзідэнту Украіны Уладзіміру Зяленскаму. Пра гэта піша «Newsweek» са спасылкай на крыніцы ў амерыканскай разведцы.
Паводле амерыканскай выведкі, ўварванню расейскіх войскаў будзе папярэднічаць вялікая кібератака. Уварванне будзе прадугледжваць наземны наступ пры падтрымцы з паветра, з нанясеннем ракетных і авіяўдараў. У якасці плацдарма для наступлення будзе выкарыстана не толькі падкантрольныя баевікам «ДНР» і «ЛНР» тэрыторыі Данбасу, але таксама і тэрыторыя Беларусі – адтуль будзе нанесены ўдар у напрамку Кіева, лічаць крыніцы выдання.
Ваенная аперацыя, хутчэй за ўсё, пачнецца ў цёмны час содняў. Праўда, планы Крамля «могуць памяняцца пад уплывам штодзённых падзеяў», піша «Newsweek».
Крыніца, блізкая да ўрада Украіны, пацвердзіла «Newsweek» атрыманне інфармацыі аб хуткім уварванні.
РР belsat.eu