Амерыканская акадэмія кінематаграфічных мастацтваў абвясціла намінантаў на прэмію «Оскар» у 2024 годзе. Лідарам паводле намінацыяў стаў фільм «Опэнгаймэр» Крыстафэра Нолана, які сабраў 13 намінацый ва ўсіх катэгорыях. Узнагароджанне адбудзецца 10 сакавіка.
У першую тройку сярод намінантаў таксама ўвайшлі карціна «Бедныя-няшчасныя» Ёргаса Лантымаса (11) і «Забойцы кветкавага месяца» (10). А за «Оскара» сярод дакументальных фільмаў пазмагаецца стужка пра вайну Расеі супраць Украіны.
Пералік усіх намінацыяў можна паглядзець тут. Мы ж пералічым галоўныя.
«Найлепшы фільм»
- «Амерыканскае чытво»
- «Анатомія падзення»
- «Барбі»
- «Пакінутыя»
- «Забойцы кветкавага месяца»
- «Маэстра»
- «Опэнгаймэр»
- «Мінулыя жыцці»
- «Бедныя-няшчасныя»
- «Зона інтарэсаў».
«Найлепшы рэжысёр»
- Жустэн Трые («Анатомія падзення»)
- Марцін Скарсэзэ («Забойцы кветкавага месяца»)
- Крыстафер Нолан («Опэнгаймэр»)
- Ёргас Лантымас («Бедныя-няшчасныя»)
- Джонатан Глейзэр («Зона інтарэсаў»).
«Найлепшая мужчынская роля»
- Брэдлі Купер («Маэстра»)
- Колман Дамінга («Растын»)
- Пол Джамаці («Пакінутыя»)
- Кіліян Мэрфі («Опэнгаймэр»)
- Джэфры Райт («Амерыканскае чытво»).
«Найлепшая жаночая роля»
- Анэт Бэнінг («Даяна Наед»)
- Лілі Гладстоўн («Забойцы кветкавага месяца»)
- Сандра Хюлер («Анатомія падзення»)
- Кэры Маліган («Маэстра»)
- Эма Стоўн («Бедныя-няшчасныя»).
«Найлепшы актор другога плану»
- Раян Гослінг («Барбі»)
- Стэрлінг Браўн («Амерыканскае чытво»)
- Роберт Дэ Ніра («Забойцы кветкавага месяца»)
- Роберт Даўні малодшы («Опенгеймер»)
- Марк Руфала («Бедныя-няшчасныя»).
«Найлепшая акторка другога плану»
- Эмілі Блант («Опэнгаймэр»)
- Даніэль Брукс («Колер ліловы»)
- Амерыка Фарэра («Барбі»)
- Джудзі Фостэр («Даяна Наед»)
- Давайн Джой Рэндольф («Пакінутыя»).
«Найлепшы дакументальны фільм»
- «Бобі Ўайн: народны прэзідэнт»
- «Вечная Памяць»
- «Чатыры дачкі»
- «Забіць тыгра»
- «20 дзён у Марыупалі».
«Найлепшы анімацыйны фільм»
- «Хлопчык і птушка»
- «Элементарна»
- «Німона»
- «Мары робата»
- «Чалавек-павук: Павуцінне сусветаў».
«Найлепшы міжнародны фільм»:
- «Ідэальныя дні»
- «Зона інтарэсаў»
- «Я капітан»
- «Таварыства снегу»
- «Настаўніцкая».
У Бэвэрлі-Гілз (ЗША) 7 студзеня ўручылі ўзнагароды кінапрэміі «Залаты глобус» за найлепшыя фільмы і серыялы, што пабачылі свет у 2023 годзе. Найбольш узнагародаў атрымала стужка «Опэнгаймэр», а найбольш намінацыяў было ў фільму «Барбі».
Якуб Хруст belsat.eu
