З лагістычнага цэнтру для мігрантаў каля беларуска-польскай мяжы шпіталізавана больш за сто чалавек з каронавіруснай інфекцыяй. Некаторыя з цяжкай формай захворвання. Пра гэта паведаміла начальнік Галоўнага ўпраўлення аховы здароўя Гарадзенскага аблвыканкаму Людміла Кеда.
«Мы возім пацыентаў у Горадню. Асноўныя клінікі – гэта шпіталь хуткай медыцынскай дапамогі і ўніверсітэцкая клініка. Дзяцей адпраўляем у дзіцячую клінічны шпіталь, цяжарных – у перынатальнай цэнтр. На сённяшні дзень павезлі каля 100 чалавек», – распавяла Людміла Кеда якая прыехала ў цэнтр дэлегацыі САЗ.
Сярод асноўных прычын шпіталізацыі Людміла Кеда вылучыла пнеўманію, захворванні лёгкіх, страўнікава-кішачнага тракту, бранхіяльная астма, цукровы дыябет, а таксама траўмы, атрыманыя на мяжы.
«Частка людзей павезлі з пераахаладжэннем і прастуднымі захворваннямі, у тым ліку і пнеўманіяй. Ёсць адзін пацыент у цяжкім стане з пнеўманіяй, выкліканай каронавірусам», – дадала Кеда.
Па словах сенатара Віктара Лісковіча, у мэтах прафілактыкі каронавіруса бежанцам былі выдадзены 15 тысяч масак. Таксама ён расказаў прадстаўнікам САЗ, што многія з іх ужо вакцынаваны.
АД, belsat.eu