Падраздзяленні Узброеных Сілаў Беларусі размяшчаюць у памежных з Украінай раёнах драўляныя муляжы танкаў, каб прадэманстраваць сваю прысутнасць.
Пра гэта ў Facebook паведаміў прэс-сакратар Міністэрства абароны Украіны Аляксандр Матузянік.
«З мэтай правядзення мерапрыемстваў аператыўнай маскіроўкі і дэманстрацыі сваёй прысутнасці, падраздзяленні Узброеных Сілаў Беларусі размяшчаюць у памежных з Украінай раёнах драўляныя муляжы танкаў», – адзначыў Матузянік.
Паводле яго, цяпер ідзе праверка баявой гатоўнасці Узброеных Сілаў Беларусі, папярэдне да 25 чэрвеня. Таксама захоўваецца пагроза нанясення з тэрыторыі Беларусі ракетных і авіяцыйных удараў па Украіне.
Матузянік дадаў, што да сямі беларускіх батальёнаў працягваюць выконваць задачы для ўзмацнення ўкраінска-беларускай мяжы ў Берасцейскай і Гомельскай вобласцях. Асноўныя намаганні сканцэнтраваныя на вядзенні разведкі, інжынерным абсталяванні пазіцыяў і ахове дзяржаўнай мяжы.
Алена Рувіна belsat.eu