Намеснік міністра эканомікі Уладзімір Навумовіч правёў пасяджэнне грамадска-кансультатыўнага (экспертнага) савету развіцця прадпрымальніцтва пры Мінэканомікі. Ключавым пытаннем парадку дня пасяджэння было абмеркаванне праекту Метадычных рэкамендацый для фармаванні базы звестак аб аб’яднаннях прадпрымальнікаў.
Паводле чыноўніка, новая база мусіць дапамагчы прадпрымальнікам знайсці асацыяцыю, якая «зможа найлепшым чынам прадстаўляць іх інтарэсы».
«Дзяржава ж зможа, кіруючыся абʼектыўнымі крытэрыямі, прыцягваць экспертаў, якія валодаюць вопытам і ведамі ў пэўных галінах і сферах дзейнасці, у склады ГКС і рэгіянальных саветаў па развіццю прадпрымальніцтва, а таксама да ацэнкі рэгулюючага ўздзеяння праектаў НПА на ўмовы вядзення бізнесу», – адзначыў Уладзімір Навумовіч.
Як паведамілі ў Мінэканомікі, свае заўвагі адносна дакументу выказалі кіраўнікі прадпрымальніцкіх абʼяднанняў. І ў выніку абмеркавання былі выпрацаваныя падыходы далейшай працы з методыкай.
Якія звесткі будуць збірацца ў новую базу звестак, не паведамляецца. Таксама не гаворыцца, якімі «аб’ектыўнымі крытэрамі», будзе карыстацца дзяржава пры працы з базай.
Якуб Хруст belsat.eu
