Берасцейскага краязнаўцу, рэдактара газеты «Царква» Ігара Бараноўскага будуць судзіць 22 лістапада.
27 ліпеня (у дзень, калі матэрыялы «Белсату» былі прызнаныя экстрэмісцкімі) Бараноўскі размясціў у сваіх сацсетках дзве спасылкі на «Белсат». Па адной спасылцы было відэаінтэрв’ю Ціханоўскай, па другой – банер з інфармацыяй пра колькасць палітвязняў у краіне.
На краязнаўцу склалі два адміністратыўныя пратаколы паводле ч. 2 арт. 19.11 КаАП РБ («Распаўсюд, выраб, захоўванне, перавоз інфармацыйнай прадукцыі, якая змяшчае заклікі да экстрэмісцкай дзейнасці ці прапагандуе такую дзейнасць»).
28 кастрычніка суд адправіў гэтыя пратаколы на дапрацоўку. У міліцыі пратаколы «дапрацавалі» і склалі яшчэ 10, за кожны рэпост матэрыялаў «Белсату» у ліпені. Нават за тыя дні, калі ўлады яшчэ не прызналі матэрыялы «Белсату» «экстрэмісцкімі».
Цяпер Ігара Бараноўскага чакае суд, які адбудзецца заўтра, 22 лістапада.
РР belsat.eu