Следчым камітэтам пачаты працэс спецыяльнага вядзення справаў у дачыненні прадстаўнікоў Каардынацыйнай рады. Як паведамляе прэсавая служба СК, адпаведнае рашэнне ўзгодненае з генеральным пракурорам Беларусі.
У пералік асобаў, у дачыненні якіх вядзецца спецыяльнае вядзенне, дададзеныя Святлана Ціханоўская, Павел Латушка, Вольга Кавалькова, Сяргей Дылеўскі, Марыя Мароз. Кожнай з названых асобаў следчыя прыпісваюць злачынствы з дзясяткаў артыкулаў Крымінальнага кодэксу.
Каардынацыйная рада была створаная ў жніўні 2020 года. Яна абʼяднала апанентаў Аляксандра Лукашэнкі. Неўзабаве пасля яе стварэння была заведзеная крымінальная справа, частка ўдзельнікаў КР была затрыманая, частка была вымушаная зʼехаць з Беларусі.
Антон Тачняк belsat.eu