Жыхары Данецкай і Луганскай абласцей – пра палітыкаў з іхных мараў і кашмараў.
Кіеўскі міжнародны інстытут сацыялогіі на замову ўкраінскага інфармацыйнага рэсурсу «Podrobnosti.ua» зрабіў тэлефоннае апытанне жыхароў Данецкай і Луганскай абласцей. Галоўнае пытанне гучала так: каму вы давяраеце, а каму не?
Тэлефоннае апытанне паказала, што ў Луганскай вобласці дзейнаму прэзідэнту давяраюць больш, чым у Данецкай.
Варта звярнуць увагу на паказнік падтрымання Пуціна на Данбасе. Цалкам або часткова яму давяраюць 36,5 %. То бок больш, чым кіраўніцтву «Данецкай народнай рэспублікі» ды «Луганскай народнай рэспублікі», а таксама больш, чым легітымнаму прэзідэнту Украіны Пятру Парашэнка. Узровень недаверу да прэзідэнта Расеі ў Данецкай і Луганскай абласцях склаў 39,6 %.
ЮВ, belsat.eu
