Галоўнае ўпраўленне выведкі Міністэрства абароны Украіны паведамляе, што ў асяродку расейскай бізнес- і палітычнай эліты фармуецца група ўплывовых асобаў, настроеных апазіцыйна ў дачыненні да Уладзіміра Пуціна.
Мэта гэтай групы – як мага хутчэйшае адхіленне Пуціна ад улады і аднаўленне эканамічных сувязяў з Захадам, зруйнаваных праз вайну ва Украіне.
Пэўная частка расейскай палітычнай эліты, паводле ГУВ, разглядае ў якасці пераемніка Пуціна дырэктара ФСБ Аляксандра Бортнікава, які апошнім часам трапіў у няміласць з боку расейскага прэзідэнта. Афіцыйная прычына незадаволенасці Пуціна – фатальныя пралікі ў вайне супраць Украіны. Бортнікаў і ягонае ведамства адказвалі за аналіз настрояў насельніцтва Украіны і баяздольнасці ўкраінскай арміі.
Украінская выведка сцвярджае – вядома, то Бортнікаў і іншыя ўплывовыя прадстаўнікі расейскай эліты разглядаюць розныя варыянты адхілення Пуціна ад улады. Не выключаецца атручванне, раптоўная хвароба ці іншая выпадковасць.
ГГ, belsat.eu