Жаўнер тэрміновай службы атрымаў 19 лютага смяротнае раненне, паведамляе Следчы камітэт.
Як сцвярджаецца, прычынай смерці стала «парушэнне правілаў абыходжання са зброяй». Следчыя агледзелі месца здарэння і правядуць экспертныя даследаванні.
Ці адбылося здарэнне падчас расейска-беларускіх вучэнняў «Саюзная рашучасць», не паведамляецца.
Пра раненне вайскоўца ў Гарадзенскім гарнізоне ўвечары 19 лютага паведамляла і Міністэрства абароны. На той момант за жыццё 19-гадовага вайскоўца яшчэ змагаліся медыкі.
ЗК belsat.eu