Ужо 1450 палітвязняў. Праваабаронцы прызналі палітычнымі зняволенымі яшчэ 23 чалавек

Праваабарончыя арганізацыі «Вясна», «Прававая ініцыятыва», Беларускі Хельсінкскі камітэт і Беларускі ПЭН 19 лістапада прынялі заяву аб прызнанні яшчэ 23 беларусаў палітычнымі зняволенымі.

Здымак мае ілюстрацыйны характар. Папраўчая калонія № 3. Віцьба, Беларусь. Ліпень 2022 года.

Фота: Белсат

У спісе – людзі, абвінавачаныя ці асуджаныя ў асноўным за «Абразу прадстаўніка ўлады» (арт. 369 КК РБ) і «Абразу Лукашэнкі» (арт. 368 КК РБ). Спіс такі:

1. Данііл Раманаў, асуджаны паводле арт. 369 да 1 года 6 месяцаў абмежавання волі з накіраваннем у папраўчую ўстанову адкрытага тыпу (у народзе – «хімія»), накіраваны для адбыцця пакарання.
2. Марына Сочыўка, асуджаная паводле арт. 369 да 2 гадоў «хіміі», накіраваная для адбыцця пакарання.
3. Артур Сцеп, асуджаны паводле арт. 368 і 369 да 2 гадоў 6 месяцаў «хіміі», накіраваны для адбыцця пакарання.
4. Андрэй Жамейка, асуджаны паводле арт. 368 і 369 да 3 гадоў «хіміі», накіраваны для адбыцця пакарання.
5. Валерый Адалеўскі, асуджаны паводле арт. 369 «хіміі», накіраваны для адбыцця пакарання.
6. Віктар Кулеш, асуджаны паводле арт. 369 да 1 года 6 месяцаў «хіміі», накіраваны для адбыцця пакарання.
7. Мікалай Ласіцкі, асуджаны за «Паклёп на службовую асобу» паводле арт. 188 КК РБ да 2 гадоў «хіміі», накіраваны для адбыцця пакарання.
8. Максім Пікун, асуджаны паводле арт. 369 да 2 гадоў «хіміі», накіраваны для адбыцця пакарання.
9. Міхаіл Башкатаў, асуджаны паводле арт. 369 да 2 гадоў «хіміі», накіраваны для адбыцця пакарання.
10. Іван Кірык, асуджаны паводле арт. 369 да 2 гадоў «хіміі», накіраваны для адбыцця пакарання.
11. Алег Пасюк, асуджаны паводле арт. 369 да 1 года 6 месяцаў «хіміі», накіраваны для адбыцця пакарання.
12. Віталь Астрэйка, узяты пад варту за «Паклёп на Лукашэнку» і яго абразу паводле арт. 367 і 368 КК РБ.
13. Кірыл Жалудок, узяты пад варту паводле арт. 368.
14. Артур Чарняўскі, асуджаны паводле арт. 369 да 2 гадоў «хіміі», накіраваны для адбыцця пакарання.
15. Андрэй Дуброўскі, асуджаны паводле арт. 369 да 1 года 6 месяцаў «хіміі», накіраваны для адбыцця пакарання.
16. Дзяніс Воўчак, асуджаны за «Абразу Лукашэнкі» і «Перадачу персанальных звестак» паводле ч. 1 арт. 368 і ч. 3 арт. 203-1 КК РБ да 1 года і 6 месяцаў пазбаўлення волі ў папраўчай калоніі.
17. Наталля Ляцко, асуджаная паводле па арт. 188 і ч.3 арт. 203-1 да 1 года пазбаўлення волі ў папраўчай калоніі.
18. Віталь Уласевіч, асуджаны за пратэставыя надпісы і «Заклікі да санкцыяў» па арт. 341 і ч.3 арт. 361 КК РБ да 2 гадоў 6 месяцаў пазбаўлення волі ў папраўчай калоніі.
19. Андрэй Ханевіч, асуджаны за інтэрв’ю «Белсату» як за «Спрыянне экстрэмісцкай дзейнасці» і за «дыскрэдытацыю Рэспублікі Беларусь» паводле арт. 361-4 і 369-1 КК РБ да 5 гадоў пазбаўлення волі ў папраўчай калоніі.
20. Вольга Раманцова, узятая пад варту за «Абразу суддзі» паводле арт. 391 КК РБ.
21. Кацярына Хулхачыева, узятая пад варту ў межах «справе Зельцара».
22. Канстанцін Ніканораў, узяты пад варту паводле арт. 369-1.
23. Міхаіл Нямцоў, асуджаны за каментары ў дачыненні да дзеянняў расейскіх войскаў у Казахстане і «Абразу Лукашэнкі» да трох гадоў калоніі.

Праваабаронцы патрабуюць неадкладна вызваліць гэтых і астатніх палітычных зняволеных, спыніць палітычныя рэпрэсіі. На момант публікацыямі праваабарончая супольнасць прызнала палітвязнямі 1450 чалавек.

Але напраўду зняволеных з палітычных прычынаў нашмат больш – праваабаронцы дэталёва аналізуюць кожную справу і проста не паспяваюць за рэпрэсіўным апаратам. Так, Следчы камітэт налічыў яшчэ летам 11 тысяч крымінальных справаў за «злачынствы экстрэмісцкай скіраванасці».

Алесь Наваборскі belsat.eu