У вызвалены Херсон прыбыў цягнік з Кіева ўпершыню з пачатку поўнамаштабнага ўварвання Расеі ва Украіну. Пра гэта паведамляе «Суспільне».
Цягнік адправіўся са сталіцы 18 лістапада а 22:14. У вагонах было 200 пасажыраў, якія набылі квіткі «Да перамогі» да Херсону. Цягнік прыбыў з вагонамі, распісанымі ўкраінскімі мастакамі ў рамках праекту «Цягнікі да Перамогі».
Праект рэалізавалі пры сумесным удзеле «Укрзализныци» і глабальнай ініцыятывы падтрымкі Украіны «United24». Вагоны прайшлі капітальна-аднаўленчы рамонт падчас вайны і абсталяваныя па новых стандартах экіпіроўкі. Кожны з сямі вагонаў прысвечаны часова акупаванай (на момант старту праекту) тэрыторыі Украіны і подзвігам украінцаў, якія супраціўляюцца расейскай агрэсіі.
Таксама ў саставе цягніка быў і паштовы вагон, які прывёз у Херсон лісты і пасылкі.
Раней, 15 лістапада, у Мікалаеў прыбыў першы пасажырскі цягнік з пачатку вайны.
Алена Рувіна belsat.eu
