Адміністрацыя шклоўскай калоніі ВК-17 адкрыла інтэрнэт-краму для зняволеных.
У ёй прадстаўлены абмежаваны выбар харчовых і нехарчовых тавараў, а таксама падарункавыя сертыфікаты да 500 рублёў.
Замовіць і аплаціць пасылку або бандэроль можна прама анлайн на сайце. Даставіць заказ вязню абяцаюць у самыя кароткія тэрміны і без парушэння цэласнасці ўпакоўкі змесціва.
У харчовым раздзеле можна замовіць мясныя вырабы, малочную прадукцыю, еду хуткага прыгатавання, кансервы, садавіну і т.п.
У нехарчовых раздзеле можна купіць бытавую хімію, вопратку, посуд, канцылярскія тавары і тавары асабістай гігіены.
Аналагічную інтэрнэт-краму адчынілі і для жаночай калоніі ВК-4 у Гомлі.
АД, belsat.eu