У Беларусь прыбылі прадстаўнікі ўзброеных сіл Латвіі і Літвы для назірання за беларуска-расейскім вучэннем «Саюзная рашучасць-2022», паведамляе Мінабароны.
Учора, 18 лютага, для замежных вайсковых назіральнікаў быў праведзены брыфінг аб вучэнні. 19 лютага яны наведаюць 230 агульнавайсковы палігон «Абуз-Лясноўскі», дзе змогуць назіраць за розыгрышам баявых дзеянняў у рамках вучэння.
Паведамляецца, што Беларусь запрасіла ваенных назіральнікаў на добраахвотнай аснове, «зыходзячы з імкнення да развіцця супрацоўніцтва і добрасуседства».
За фінальным розыгрышам дзеянняў войскаў сумеснага вучэння «Саюзная рашучасць-2022» 19 лютага назіралі 20 ваенных аташэ, якія прадстаўляюць 16 краін.
Палігон «Абуз-Лясноўскі» наведалі прадстаўнікі ад ваенных ведамстваў Балгарыі, Венгрыі, В’етнаму, Індыі, Казахстану, Кітая, Польшчы, Расеі, Сербіі, Сірыі, ЗША, Туркменістану, Турцыі, Германіі, Чэхіі і Украіны.
АД belsat.eu
