«New Home Project»: дом там, дзе я. Як дзеці і моладзь з Беларусі і Украіны асэнсоўваюць эміграцыю праз фота

Гэтае выданне Belsat.PHOTODOC незвычайнае. Гэтым разам мы не публікуем фотарэпартажу або фотапраекту на надзённую тэму, а распавядаем пра ініцыятыву беларускай каманды ў Польшчы. Там сустрэліся фота і арт-тэрапія, каб дапамагчы дзецям і моладзі з Беларусі і Украіны падзяліцца сваім досведам вымушанай міграцыі. Як і навошта такі праект з’явіўся, у размове з Агатаю Квяткоўскай распавядае фатографка і заснавальніца «New Home Project» Юлія Шаблоўская.