Майстар спорту ў паўэрліфтынгу з Баранавічаў Уладзімір Баранавіцкі затрыманы за развешванне беларускай нацыянальнай сімволікі. Пра гэта паведамляе праваабарончы цэнтр «Вясна».
Уладзімір Бранавіцкі.
Фота: Вясна / Правы чалавека ў Беларусі / Telegram
54-гадовага жыхара Баранавічаў абвінавачваюць у тым, што ён са студзеня да чэрвеня 2022 года развешваў «пратэставую сімволіку» на электралініях у Баранавічах, Баранавіцкім і Ляхавіцкім раёнах.
Супраць мужчыны распачалі крымінальную справу за нібыта хуліганства паводле арт. 339 КК.
У жніўні 2020 года Бранавіцкі падпісаў ліст беларускіх спартоўцаў супраць гвалту і рэпрэсіяў.
Якуб Хруст belsat.eu
