Увечары адбудуцца перамовы кіраўнікоў міністэрстваў замежных справаў Беларусі і Расеі. Макея ўжо праінфармавалі пра вынікі перамоваў Байдэна з Пуціным.
Расейскае дзяржаўнае інфармацыйнае агенцтва ТАСС паведамляе, што ад Уладзіміра Макея і расейскага міністра замежных справаў Сяргея Лаўрова на перамовах 18 чэрвеня чакаюць абмеркавання сітуацыі ў міжнароднай палітыцы пасля вымушанай пасадкі рэйсу «Ryanair» у Менску.
Асаблівую ўвагу, як піша ТАСС, міністры маюць надаць стасункам дзвюх краінаў са Злучанымі Штатамі і Еўрапейскім Звязам, «глабальнай бяспецы» і «супрацьдзеянню замежнаму ўмяшанню ва ўнутраныя справы дзяржаваў». Абмеркаваць маюць і расейска-беларускую інтэграцыю, узаемадзеянне ў межах ЕАЭС, АДКБ і СНД. Расейскі бок заявіў, што на сусірэчы абмяркуюць і зняволенне ў Беларусі грамадзянкі Расеі Соф’і Сапегі.
Сустрэча ідзе праз дзень пасля перамоваў у Жэневе прэзідэнтаў ЗША і Расеі Джо Байдэна і Уладзіміра Пуціна. На той сустрэчы закраналіся сярод іншага падзеі ў Беларусі. Байдэн потым казаў, што ў беларускім пытанні Пуцін не супярэчыў яму, аднак меў іншы погляд на тое, што з гэтым рабіць. Лаўроў прысутнічаў на той сустрэчы.
Яшчэ 17 чэрвеня, калі Макей прыбыў у Маскву, Лаўроў правёў супольную сустрэчу з ім ды амбасадарамі краінаў СНД і «праінфармаваў» пра вынікі перамоваў у Жэневе, бакі абмеркавалі міжнародную і рэгіянальную павесткі. Ці інфармаваў расейскі бок пра вынікі перамоваў Аляксандра Лукашэнку, не паведамляюць.
Абноўлена. Як піша БелТА, Макей заявіў Лаўрову, што:
Лаўроў сказаў Макею, што:
АА belsat.eu