Днём 18 лютага да гомельскай журналісткі Ларысы Шчыраковай прыйшлі сілавікі. Пасля ператрусу яе затрымалі, паведаміў «Белсату» знаёмы журналісткі. Увечары яе ўсё ж такі адпусцілі.
Тыдзень таму Ларыса заявіла, што вымушаная адмовіцца ад прафесіі журналіста ў Беларусі праз выгаранне.
Сілавікі прыходзілі да гомельскай журналісткі ў дзень абвяшчэння выраку ў «справе Ціханоўскага», але тады яна не пагадзілася праехаць з імі, бо была ў самаізаляцыі праз каронавірус.
У дачыненні Ларысы Шчыраковай пасля выбараў некалькі разоў складалі пратаколы паводле арт. 23.34 за «ўдзел у несанкцыянаваным мерапрыемстве». Двойчы яе пры гэтым пакідалі ў ізалятары да суда. Адміністратыўны арышт Ларысе не прысуджалі, але чатыры разы штрафавалі.
Абноўлена: пасля ператрусу Ларыса Шчыракова была дастаўлена ў мясцовы аддзел міліцыі. Праз некалькі гадзінаў яе адпусцілі.
АД belsat.eu
