Як паведамляе Міністэрства абароны Беларусі, у адной з вайсковых частак двое вайскоўцаў атрымалі агнястрэльныя траўмы.
Праверка баявой гатовасці на 227-м агульнавайсковым палігоне аднаго з батальёнаў 120-й асобнай гвардзейскай механізаванай брыгады, якая адбывалася 18 студзеня 2024 года.
Фота: Міністэрства абароны Рэспублікі Беларусь / Telegram
Згодна з паведамленнем, здарэнне адбылося ў выніку парушэння патрабаванняў бяспекі пры правядзенні стрэльбаў.
Пры гэтым назвы часткі і даты здарэння ведамства ў сваім паведамленні не згадвае.
Адзначаецца, што вайскоўцам аказаная ўся неабходная медычная дапамога. Пагрозаў іхнаму жыццю няма.
Раман Шавель belsat.eu
