Гітанас Наўседа лічыць магчымым вырашыць міграцыйны крызіс на мяжы ЕЗ праз дыялог з Аляксандрам Лукашэнкам. Такую думку ён выказаў у інтэрв’ю BBC, перадае lrt.lt.
«Думаю, што ёсць магчымасць вырашыць крызіс, звярнуўшыся і да спадара Лукашэнкі, як толькі што гэта зрабіла Ангела Мэркель. Мы павінны гаварыць з чалавекам, які адказвае за тое, што адбываецца на мяжы», – сказаў прэзідэнт Літвы.
Паводле яго слоў, з Лукашэнкам таксама трэба гаварыць аб гуманітарных праблемах, выкліканых гэтым крызісам, а не толькі з Літвой і Польшчай.
Наўседа падкрэсліў, што важна таксама звяртацца ў ведамствы ЕЗ і патрабаваць ад супольнасці не толькі зменаў у міграцыйнай палітыцы, але і ўдзелу ў будаўніцтве фізічнага бар’ера на мяжы з Беларуссю:
«Зараз Літва і Польшча абараняюць заходнюю дэмакратыю. Мы стараемся не дазволіць гэтым людзям ісці далей – у Германію».
МГМ, belsat.eu