Каля 200 іракцаў, якія прыбылі ў Беларусь для пераходу мяжы з Еўрапейскім Звязам, звярнуліся ў амбасаду Іраку ў Расеі з просьбай вярнуць іх на радзіму. Пра гэта паведамляе «Интерфакс».
«Цяпер гэта каля 200 чалавек, якія да нас звярнуліся. Эвакуацыйны рэйс будзе арганізаваны ў чацвер», – заявіў прадстаўнік іракскай амбасады.
Паводле яго, лік ахвотных вярнуцца можа павялічыцца.
Сярод тых, хто паляціць на радзіму, ёсць жанчыны, дзеці, сямейныя пары.
Цяпер яны ў Менску чакаюць намечанага вылету.
Раней афіцыйны прадстаўнік Міністэрства замежных справаў Іраку Ахмад ас-Сахаф анансаваў першы эвакуацыйны авіярэйс для грамадзянаў Іраку, якія застаюцца на беларускіх межах.
Міністэрства атрымала звесткі аб 571 чалавеку, якія самі захацелі вярнуцца на радзіму. Эвакуацыйны рэйс запланавалі на 18 лістапада.
МГ belsat.eu