Гомельскі абласны суд 15 чэрвеня вынес прыгавор 32-гадоваму жыхару Буда-Кашалёўскага раёну, які забіў свайго пяцімесячнага сына ў шпіталі, паведамляе «Гомельская праўда».
Мужчыну прысудзілі 19 год калоніі ўзмоцненага рэжыму.
У снежні 2021 года хлопчыка шпіталізавалі разам з бацькам у Буда-Кашалёўскую раённы шпіталь, маці дзіцяці не магла прыехаць. Хлопчык плакаў і не даваў бацьку заснуць. Гэта раздражняла мужчыну, які вярнуўся з заробкаў з Расеі і хацеў адпачыць. Бацька пачаў крычаць на немаўля і біць яго, а праз некаторы час хлопчык заціх. Мужчына заснуў, а раніцай знайшоў побач з сабой мёртвага сына.
Першапачаткова мужчына адмаўляў сваё дачыненне да смерці хлопчыка і мяняў паказанні. Сцвярджаў, што немаўля сам ударыўся аб металічны каркас ложка. Затым прыдумаў версію аб падзенні сына з ложка.
Згодна з заключэннем судова-медыцынскай экспертызы, смерць дзіцяці наступіла ў выніку закрытай чэрапна-мазгавой траўмы. На яго целе знойдзены сінякі.
Мужчыне прад’явілі абвінавачанні ў забойстве малалетняга, які знаходзіцца ў бездапаможным стане. У 2008 годзе яго ўжо прыцягвалі да адказнасці за тое, што разам з суседам да смерці збіў знаёмага.
Алена Рувіна belsat.eu